04/12/2023
952
Goý, ýaňlansyn Bitaraplyk aýdymy!
2023-nji ýylyň 4-nji dekabrynda Türkmenistanyň Daşary işler ministrliginiň Halkara gatnaşyklary institutynda Türkmenistanyň hemişelik Bitaraplygynyň 28 ýyllygy we Magtymguly Pyragynyň 300 ýyllygy mynasybetli Maýa Kulyýewa adyndaky Türkmen milli konserwatoriýasynyň simfoniki orkestriniň ýerine ýetirmeginde “Goý, ýaňlansyn Bitaraplyk aýdymy!” atly baýramçylyk konserti geçirildi.
Bu baýramçylyk konsertine Türkmenistanyň Daşary işler ministrliginiň Halkara gatnaşyklary institutynyň mugallymlary we talyp ýaşlary gatnaşdylar. Konsertde Ata Watanymyzyň gözelliklerini, Bitaraplygymyzyň şanly 28 ýyllygyny wasp edýän simfoniki aýdym-sazlar ýerine ýetirildi. Magtymguly Pyragynyň dürdäne şygyrlaryna döredilen aýdymlar ýaňlandy. Konserte gatnaşyjylar ýerine ýetirilen aýdym-sazlardan uly lezzet aldylar.
Merjen ORAZOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.