Göçme okuw sapagy geçirildi
2022-nji ýylyň 14-nji aprelinde Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň gurnamagynda ulag diplomatiýasy boýunça göçme okuw sapagy «Beýik Ýüpek ýoly» hususy kärhanasynda geçirildi. Okuw sapagyna Türkmenistanyň Daşary işler ministrliginiň Halkara gatnaşyklary institutynyň, Türkmenistanyň Inžener-tehniki we ulag kommunikasiýalar institutynyň professor-mugallymlary we talyp ýaşlary gatnaşdylar. Tejribelik okuw sapagynda «Beýik Ýüpek ýoly» hususy kärhanasynyň halkara çaparçylyk hyzmatlaryny hödürleýän DHL Express kompaniýasynyň Türkmenistandaky resmi dilleri hökmünde çykyş edip, dünýäniň 130-dan gowrak ýurtlaryna «gapydan gapa eltip bermek» hyzmatyna görä halkara poçta ugratmalarynyň eksportyny we importyny amala aşyrýan işleri barada kärhananyň hünärmenleri çykyş etdiler. Ýeri gelende bellesek, 2010-njy ýylda esaslandyrylan kärhanada 140-dan gowrak ýokary derejeli hünärmenler zähmet çekýärler şolaryň hatarynda Türkmenistanyň Daşary işler ministrliginiň Halkara gatnaşyklary institutyny tamamlan uçurumlar kärhananyň ýaş hünärmenleri “Multimodal” bölüminde Akmuhammet Ýusupow, Güýçgeldi Sytdykow, Sadap Muhammetdurdyýewa, «Türkmen Logistika» Assosiasiýasynyň agzasy Sapa Gurbanberdiýew dagylar bar. Göçme okuw sapagynyň dowamynda talyp ýaşlar kärhananyň alyp barýan işleri barada degişli özlerini gyzyklandyrýan soraglaryny berdiler.
Perhat ÇARYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary kafedrasynyň
uly mugallymy.