GENDER DEŇLIGI MESELESI BOÝUNÇA PARLAMENTARA DIALOGY GEÇIRILDI
2026-njy ýylyň 26-27-nji marty aralygynda Aşgabat şäheriniň Ýyldyz myhmanhanasynda Türkmenistanyň Mejlisiniň guramagynda gender deňligini ilerletmek we onuň kanunçylyk esaslaryny berkitmek boýunça parlamentara dialoga bagyşlanan maslahat geçirildi. Bu halkara çäresine Türkmenistanyň Mejlisiniň, Birleşen Milletler Guramasynyň Ilat Gaznasynyň (UNFPA), Türkmenistandaky daşary ýurt ilçihanalarynyň wekilleri, ýokary okuw mekdepleriniň mugallymlary we talyplary gatnaşdylar.
Bu dialogyň esasy maksady Merkezi Aziýa ýurtlarynyň parlament agzalarynyň zenanlaryň hukuklaryny goramak we zorluga garşy göreşmek ugrundaky mümkinçiliklerini artdyrmakdyr.
Çäräniň dowamynda halkara bilermenleri we parlament agzalary tarapyndan öňe sürlen teklipler we maslahatlar diňlenildi. Dialogyň netijesi boýunça sebitde zenanlaryň hukuklarynyň goralyşyny kämilleşdirmek we kanunçylyk binýadyny has-da berkitmek boýunça umumy ylalaşyklar gazanyldy.
Begmuhammet ORAZOW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň 3-nji ýyl talyby.