Garaşsyzlyk toýy giňden toýlanýar
2023-nji ýylyň 20-nji sentýabrynda Türkmenistanyň Daşary işler ministrliginiň Halkara gatnaşyklary institutynda ýurdumyzyň mukaddes Garaşsyzlygynyň 32 ýyllyk toýy mynasybetli baýramçylyk dabarasy geçirildi. Oňa türkmen diplomatiýasynyň milli mekdebiniň mugallymlary hem-de talyp ýaşlary gatnaşdylar.
Baýramçylyk dabarasynyň dowamynda institutymyzyň döredijilik toparynyň çykyşlaryna giň orun berildi. Çykyşlarda Gahryman Arkadagymyzyň, Arkadagly Serdarymyzyň halkymyzyň abadan geljegi ugrunda durmuşa geçirýän beýik işleri bellenip geçildi. Mundan başga-da, çykyşlarda Garaşsyzlyk ýyllarynda ýurdumyzyň gazanan üstünlikleri, ýeten uly sepgitleri şöhlelendirildi.
Çykyş edenleriň belleýşi ýaly, bu günki gün Arkadagly Serdarymyzyň baştutanlygynda döwletimiziň halkara giňişligindäki abraýy barha ýokarlanýar. Ýurdumyzyň umumadamzat ähmiýetli öňe sürýän oňyn başlangyçlary dünýä döwletleri tarapyndan gyzgyn goldaw tapýar. Baýramçylyk dabarasynyň ahyrynda oňa gatnaşyjylar ýurdumyzy ösüşli menzillere sary alyp barýan Gahryman Arkadagymyza, Arkadagly Serdarymyza alkyş sözlerini aýtdylar.
Gurbanmyrat AŞYROW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň 3-nji ýyl talyby.