GARAŞSYZLYK BAÝRAMY GIŇDEN TOÝLANÝAR
2025-nji ýylyň 22-nji sentýabrynda Türkmenistanyň Daşary işler ministrliginiň Halkara gatnaşyklary institutynda institutyň ilkinji jemgyýetçilik guramalarynyň guramagynda mukaddes Garaşsyzlygymyzyň 34 ýyllyk toýy mynasybetli baýramçylyk dabarasy geçirildi. Oňa türkmen diplomatiýasynyň milli mekdebiniň mugallymlary hem-de talyp ýaşlary gatnaşdylar.
Dabaranyň dowamynda institutyň döredijilik toparynyň çykyşlaryna giň orun berildi. Çykyşlarda Gahryman Arkadagymyzyň, Arkadagly Gahryman Serdarymyzyň halkymyzyň abadan geljegi ugrunda durmuşa geçirýän beýik işleri dogrusynda bellenilip geçildi. Şeýle-de çykyşlarda Garaşsyzlyk ýyllarynda ýurdumyzyň gazanan üstünlikleri, ýeten uly sepgitleri şöhlelendirildi.
Çykyş edenleriň belleýşi ýaly, bu günki gün hormatly Prezidentimiziň baştutanlygynda döwletimiziň halkara giňişligindäki abraýy barha ýokarlanýar. Ýurdumyzyň umumadamzat ähmiýetli öňe sürýän oňyn başlangyçlary dünýä döwletleri tarapyndan gyzgyn goldaw tapýar. Baýramçylyk dabarasynyň ahyrynda oňa gatnaşyjylar ýurdumyzy ösüşli menzillere sary alyp barýan Gahryman Arkadagymyza, Arkadagly Gahryman Serdarymyza alkyş sözlerini aýtdylar.
Mahym KAKAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň 4-nji ýyl talyby.