GAJETLER BILEN BAGLANYŞYKLY WAGYZ-NESIHAT DUŞUŞYGY
2025-nji ýylyň 27-nji fewralynda Türkmenistanyň Daşary işler ministrliginiň Halkara gatnaşyklary institutynyň ilkinji jemgyýetçilik guramalarynyň guramagynda talyp ýaşlaryň arasynda tertip-düzgüni berjaý etmek, zyýanly endikleriň adam saglygyna ýetirýän täsirini düşündirmek, ýaşlaryň saglygyny berkitmek, arassaçylyk kadalaryny berjaý etmeklik we ýaşlaryň bu meseleler barada düşünjesini ýokarlandyrmak maksady bilen, «Talyp ýaşlarda dürli gurluşly gajetler ulanylanda özleriniň saglygyna we bilimine zyýansyz ulanmaklarynyň medeniýetini ösdürmek» ady bilen wagyz-nesihat duşuşygy geçirildi.
Duşuşykda Türkmenistanyň Kärdeşler arkalaşygynyň Milli merkeziniň Döwlet edaralarynyň işgärleriniň kärdeşler arkalaşygynyň esasy hünärmeni Orazgül Orazmämmedowa, Türkmenistanyň Magtymguly adyndaky Ýaşlar guramasynyň Aşgabat şäheriniň Berkararlyk etrap Geňeşiniň başlygy Ismail Ýakubow şeýle-de Türkmenistanyň Saglygy goraýyş we derman senagaty ministrliginiň Aşgabat şäher Saglygy goraýyş müdirliginiň 15-nji Saglyk öýüniň maşgala lukmany Aýjemal Ballyýewa dagy çykyş etdiler. Olar öz gezeginde ýurdumyzda ösüp gelýän ýaş nesliň zyýanly endiklerden daşda durmalydygy, maşgala saglygyny ýurduň saglygyna deňelýändigi, sagdyn jemgyýeti kemala getirmegiň ähmiýeti dogrusynda gürrüň etdiler.
Bagtygül AMANMYRADOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby