GAHRYMAN ARKADAGYMYZYŇ ÜÇÜNJI ANTALÝA DIPLOMATIÝA FORUMYNDA EDEN TARYHY ÇYKYŞYNA BAGYŞLANAN OKUW SAPAGY ÝOKARY GURAMAÇYLYK DEREJESINDE GEÇIRILDI
2024-nji ýylyň 7-nji martynda Türkmenistanyň Daşary işler ministrliginiň Halkara gatnaşyklary institutynyň Durnukly ösüş maksatlary boýunça ylmy-usulyýet merkezinde Birleşen Milletler Guramasynyň Aşgabatdaky wekilhanasy bilen hyzmatdaşlykda türkmen halkynyň Milli Lideri, Türkmenistanyň Halk Maslahatynyň Başlygy, Gahryman Arkadagymyzyň üçünji Antalýa diplomatiýa forumynda eden taryhy çykyşy dogrusynda institutyň talyplarynyň gatnaşmagynda okuw sapagy geçirildi. Okuw sapagynda BMG-niň Türkmenistandaky Hemişelik utgaşdyryjysy Dmitriý Şlapaçenko çykyş edip, Gahryman Arkadagymyzyň üçünji Antalýa diplomatiýa forumynda öňe süren başlangyçlarynyň ýokary ähmiýetini nygtady. Hususan-da, Türkmenistanda BMG-niň howanyň üýtgemegi bilen bagly tehnologiýalar boýunça Sebit merkezini açmak baradaky başlangyjyň diňe bir sebit üçin däl-de, eýsem global ähmiýetlidigi barada bellenildi.
Şeýle hem, okuw sapagynyň dowamynda häzirki döwürde hormatly Prezidentimiziň parasatly ýolbaşçylygynda ýurdumyzda howanyň global üýtgemeginiň zyýanly täsirlerini azaltmak boýunça alnyp barylýan işler, BMG-niň maksatlary we wezipeleri dogrusynda gürrüň edildi.
Gapbar HALLYÝEW,
Türkmenistanyň Daşary işler ministrliginiň
Halkara gatnaşyklary institutynyň mugallymy,
Durnukly ösüş maksatlary boýunça ylmy-usulyýet merkeziniň utgaşdyryjysy