Gahryman Arkadagymyzyň “Türkmenistanyň dermanlyk ösümlikleri” atly köp jiltli ylmy-ensiklopedik işiniň XVII jildiniň we “Saglygy goraýyşda ýetilen sepgitler” atly kitabyň tanyşdyrylyş dabarasy geçirildi
2025-nji ýylyň 17-nji oktýabrynda Türkmenistanyň Daşary işler ministrliginiň Halkara gatnaşyklary institutynda Gahryman Arkadagymyzyň “Türkmenistanyň dermanlyk ösümlikleri” atly kitabynyň XVII jildiniň we “Saglygy goraýyşda ýetilen sepgitler” atly kitabynyň tanyşdyrylyş dabarasy geçirildi. Oňa institutymyzyň professor-mugallymlary we talyp ýaşlary gatnaşdylar.
Tanyşdyrylyş dabarada ýurdumyzda jemgyýetiň we döwletiň iň ýokary gymmatlygy bolan adamyň saglygyny goramakda, ilatyň saglyk ýagdaýyny gowulandyrmakda, keselleriň öňüni almakda we olary ýok etmekde, saglygy goraýyş we derman senagatyny dünýä derejesinde ösdürmekde uly möçberli işleriň amala aşyrylýandygy barada gürrüň edildi. Gahryman Arkadagymyzyň “Türkmenistanyň dermanlyk ösümlikleri” atly kitabynyň XVII jildi we “Saglygy goraýyşda ýetilen sepgitler” atly kitaby diňe bir saglygy goraýyş ulgamynda zähmet çekýän hünärmenlere peýdaly gollanma bolman, eýsem, Türkmenistanyň ähli raýatlary we dünýä jemgyýetçiligi üçin peýdaly çeşme bolup hyzmat edýär.
Mähriban GARAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Jemgyýeti öwreniş ylymlary kafedrasynyň mugallymy.