Gahryman Arkadagymyzyň Mary welaýatyna bolan iş saparyna bagyşlanan duşuşyk
2022-nji ýylyň 5-nji sentýabrynda Türkmenistanyň Daşary işler ministrliginiň Halkara gatnaşyklary institutynda bu ýokary okuw jaýynyň talyp ýaşlarynyň gatnaşmagynda Gahryman Arkadagymyzyň 3-nji sentýabrda Mary welaýatyna eden iş saparyna tomaşa edildi.
Bu senede Milli geňeşiň Halk Maslahatynyň Başlygy, Hormatly il ýaşulusy Gurbanguly Berdimuhamedow Döwlet Baştutanymyzyň tabşyrygy boýunça Mary welaýatyna iş saparyny amala aşyrmak bilen, bu ýerde Türkmenistanyň Döwlet Energetika institutynyň talyp – mugallymlary bilen duşuşyk geçirdi. Gahryman Arkadagymyz duşuşygyň barşynda ýaşlara ýüzlenip: «Energetika pudagy bolmasa, beýleki pudaklary hem ösdürmek mümkin däl. Ine, durmuşymyzda şunuň ýaly möhüm orny sarp edijilere ýetirmäge dahylly adamlar bolandygyňyz üçinem siz saýlap alan käriňize buýsanmalysyňyz. Yhlasly okamalysyňyz, ak ýürekden zähmet çekmelisiňiz» diýip, ýaşlara özüniň öwüt-ündewlerini berdi.
Ýurdumyzyň energetika pudagynyň ösüşleri hem ylmy esaslara, berk hukuk binýada daýanýar.
Batyr ESENOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby.