Ykdysatçy talyplaryň nobatdaky halkara üstünligi
Berkarar döwletiň täze eýýamynyň Galkynyşy döwründe biziň ýurdumyzda ýaşlaryň öz hünär bilimlerini berkitmekde we kämilleşdirmekde uly mümkinçilikler döredilýär. Şeýle mümkinçilikleriň biri-de, talyp ýaşlaryň zehin-ukuplaryny açyp görkezmekde halkara bäsleşikleriň geçirilmegidir. Ykdysady howpsuzlyk meselesi, häzirki wagtda örän uly mesele bolup durýar. Ýaşlaryň bu ugurdaky düşünjeleriniň artmagy, maliýe howpsuzlygy boýunça bilimleriniň kämilleşmegi döwür üçin zerurlyk bolup çykyş edýär.
2023-nji ýylyň 2-6-njy oktýabrynda Russiýa Federasiýasynyň Soçi şäherinde Maliýe howpsuzlygy boýunça III halkara olimpiadasy geçirildi. Bu olimpiada 20 ýurtdan, esasan hem GDA ýurtlaryndan talyplar we wekiller gatnaşdy. Oňa institutymyzyň Halkara ykdysady gatnaşyklary fakultetiniň 5-nji ýyl talyby Meýlis Hojamyradow gatnaşyp üstünlikli çykyş etmek bilen II orna mynasyp boldy.
Ýeri gelende bellesek, bu olimpiada 20 ýurtdan 70 müňden gowrak adamy öz içine alýan “Arkalaşygyň” sanly platformasydyr, maliýe howpsuzlygy üpjin etmek boýunça meseleleri çözmäge mümkinçilik berýän Grafus okuw ulgamydyr.
Talybymyzyň bu üstünligi ýurdumyzda ýaşlara bilim terbiýe bermekde Arkadagly Gahryman Serdarymyz tarapyndan edilýän tagallalaryň miwesidir. Geljekde ýene-de türkmenistanly ýaş talyplara dünýäniň ylym-bilim giňişliginde ýaşyl tugumyzy al-asmanda parlatmagyny arzuw edýäris.
Sülgün NEPESOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
kafedrasynyň mugallymy.