EMELI AŇY DÜÝPLI WE NETIJELI ÖWRENMEK MAKSADY BILEN OKUW SEMINARY GEÇIRILDI
2026-njy ýylyň 8-nji aprelinde Türkmenistanyň Daşary işler ministrliginiň Halkara gatnaşyklary institutynda Halkara hukugy we deňeşdirme hukuk öwreniş kafedrasynyň guramagynda Emeli aňy düýpli we netijeli öwrenmek atly okuw seminary geçirildi. Oňa Türkmenistanyň Daşary işler ministrliginiñ Halkara gatnaşyklary institutynyň Halkara hukugy we deňeşdirme hukuk öwreniş kafedrasynyň mugallymlary we Halkara hukugy fakultetiniň talyplary gatnaşdylar.
Okuw seminarynyň dowamynda oňa gatnaşyjylar emeli aňy ulanmak, habarlaryň ygtybarlylygy, olary seljermegiň meseleleri boýunça öňdebaryjy tejribeler bilen tanyşdyryldy. Mugallymar media sowatlylygyň bu günki ýeten derejesi we mümkinçilikleri barada giňişleýin düşünje berdiler.
Okuw sapagy täsirliligi bilen tapawutlanyp, onda sanly ulgamyň mümkinçiliklerini dogry peýdalanmagyň ýollary barada gıňişleýin maglumatlar berildi. Seminaryň ahyrynda talyplar özlerini gyzyklandyrýan soraglara mugallymlar tarapyndan ýerlikli jogaplary aldylar.
Kerwen ATAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň 2-nji ýyl talyby.