EMELI AŇ TÜRKMENISTANYŇ BILIM ULGAMYNDA ATLY SEMINAR GEÇIRILDI
2025-nji ýylyň 25-nji fewralynda Türkmenistanyň Daşary işler ministrliginiň Halkara gatnaşyklary institutynda emeli aň boýunça okuw sapagy geçirildi. Okuw sapagyna institutymyzyň mugallymlary we talyp ýaşlary işjeň gatnaşdylar. Bu okuw sapagyny Halkara ykdysady gatnaşyklary fakultetiniň uly mugallymy, fizika-matematika ylymlarynyň kandidaty, Türkmenistanyň ussat mugallymy Gaplaň Esenamanow alyp bardy.
Sapagyň dowamynda emeli aňyň häzirki döwürde ykdysadyýetde möhüm orun eýeleýändigi we alymlaryň onuň 2035-nji ýyla çenli dünýä ykdysadyýetiniň ösüş depginini iki esse artdyryp biljekdigini çaklaýandyklary dogrusynda bellenildi. Bu günki geçirilen okuw sapagynda emeli aňyň önüm öndürmekden başlap, gümrük amallaryny ýerine ýetirmek ýaly artykmaçlyklary barada giňişleýin durlup geçildi. Şeýle hem oňa gatnaşyjylar tema degişli özlerini gyzyklandyrýan soraglary berdiler.
Orazmuhammet ORAZGELDIÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň 1-nji ýyl talyby.