EMELI AŇ TEHNOLOGIÝASYNYŇ BILIM ULGAMYNDAKY ORNY
2025-nji ýylyň 5-nji maýynda Türkmenistanyň Daşary işler ministrliginiň Halkara gatnaşyklary institutynda «Emeli aňyň taryhy we jemgyýetde tutýan orny» boýunça okuw sapagy geçirildi. Okuw sapagyna institutyň mugallymlary we talyp ýaşlary işjeň gatnaşdylar. Bu okuw sapagyny Halkara ykdysady gatnaşyklary kafedrasynyň uly mugallymy Rahym Bäşimow alyp bardy.
Onuň dowamynda Türkmenistanyň bilim ulgamynda emeli aňyň ulanylmagyny ýola goýmak we kämilleşdirmek boýunça gürrüň edildi. Şeýle hem işiň dürli görnüşlerinde emeli aňyň döwrebap hyzmatlaryny peýdalanmagyň artykmaçlyklary, usullary , halkara okuw platformalary dogrusynda çykyş edildi.
Bu günki geçirilen okuw sapagynda emeli aňyň önüm öndürmekden başlap, gümrük amallaryny ýerine ýetirmek ýaly artykmaçlyklary barada giňişleýin durlup geçildi. Şeýle hem oňa gatnaşyjylar tema degişli özlerini gyzyklandyrýan soraglary berdiler.
Dürdäne NAZARGYLYJOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň IV ýyl talyby.