19/04/2024
898
Emeli aň boýunça okuw sapagy geçirildi
2024-nji ýylyň 19-njy aprelinde Türkmenistanyň Daşary işler ministrliginiň Halkara gatnaşyklary institutynda emeli aň boýunça okuw sapagy geçirildi. Okuw sapagyna institutymyzyň mugallymlary we talyp ýaşlary işjeň gatnaşdylar. Bu okuw sapagyny Halkara ykdysady gatnaşyklary fakultetiniň uly mugallymy, f-m.y.k. Gaplaň Esenamanow, Maglumat tehnologiýalarynyň Türkmen-hindi merkeziniň hünärmeni N. Maýjanowa we Türkmenistanyň Inžener-tehniki we ulag kommunikasiýalary institutynyň Maglumatlar we okatmagyň tehniki serişdeleri bölüminiň başlygy W. Kowsyýew alyp bardylar. Sapagyň dowamynda emeli aňyň häzirki döwürde ykdysadyýetde möhüm orun eýeläp başlandygy we alymlaryň onuň 2035-nji ýyla çenli dünýä ykdysadyýetiniň ösüş depginini iki esse artdyryp biljekdigini çaklaýandyklary dogrusynda bellendi. Bu günki geçirilen okuw sapagynda emeli aňyň önüm öndürmekden başlap, gümrük amallaryna çenli köp artykmaçlyklary dörendýändigi barada giňişleýin durlup geçildi. Şeýle hem bilim ulgamynda açyk bilim çeşmeleriniň ulanyşy boýunça çykyş etdildi. Sapagyň dowamynda oňa gatnaşyjylar tema degişli özlerini gyzyklandyrýan soraglaryny berdiler.
Bilbil BERDIÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň
4-nji ýyl talyby.