Durnukly Ösüş Maksatlarynyň Ýaş ilçiler bäsleşiginiň ýeňijilerine bagyşlanan tanyşdyrylyş dabarasy
2022-nji ýylyň 29-30-njy awgustynda Birleşen Milletler Guramasynyň Türkmenistandaky wekilhanasynyň gurnamagynda Türkmenistanyň Maliýe we ykdysadyýet we Daşary işler ministrlikleriniň binalarynda BMG-niň Durnukly ösüş maksatlarynyň Ýaş ilçiler bäsleşiginiň ýeňijilerine bagyşlanan tanyşdyrylyş dabarasy geçirildi. Çäräniň dowamynda ýeňiji Ýaş ilçileri BMG-niň hem-de ýurdumyzyň degişli ministrlikleriniň Durnukly ösüş maksatlaryna ýetmek boýunça alyp barýan işleri giňişleýin tanyşdyryldy.
BMG-niň Durnukly ösüş maksatlary boýunça 2020-2022-nji okuw ýyllary üçin ylalaşylan okuw maksatnamasyna laýyklykda tapgyrlaýyn gurnalan okuw sapaklaryny üstünlikli tamamlan talyplara degişli sertifikatlar gowşuryldy. Şolardan Türkmenistanyň Daşary işler ministrliginiň Halkara gatnaşyklary institutynyň IV ýyl talyplary Arslankerim Kerimow, Serdar Rahymow we Meýlis Hojamyradow hem üstünlikli tamamlady. 2022-2023-nji okuw ýyly üçin institutyň Halkara ykdysady gatnaşyklary fakultetiniň II ýyl talyby Ýupar Egirjäýewa BMG-niň Durnukly ösüş maksatlarynyň Ýaş ilçisi saýlandy. Talyplarymyzyň şeýle üstünlikleri bizi has-da buýsandyrýar.
Aýnur ŽANAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň
II ýyl talyby.