DÜZME ÝAZMAK BÄSLEŞIGINIŇ JEMLERI JEMLENDI
2024-nji ýylyň 24-nji aprelinde Türkmenistanyň Daşary işler ministrliginiň Halkara gatnaşyklary institutynyň “Ýaş alymlar geňeşiniň” we institutyň Halkara hukugy we deňeşdirme hukuk öwreniş kafedrasynyň «Ýaş hukukçylar» ylmy gurnagynyň «Magtymguly Pyragynyň şygyrlarynda sagdyn jemgyýetiň beýany» atly temadan yglan edilen fakultetara düzme bäsleşigine tabşyrylan işleriň jemi-jemlendi. Oňa institutymyzyň fakultetlerinden onlarça işler tabşyrylyp, olaryň arasyndan mazmuny boýunça tapawutlanan işleriň awtorlaryna institutymyzyň adyndan hormat hatlary we ýadygärlik sowgatlary gowşuryldy.
Şeýle hem, bu çäräniň dowamynda Halkara hukugy we deňeşdirme hukuk öwreniş kafedrasynyň «Ýaş hukukçylar» ylmy gurnagynyň Halkara hususy hukugynyň kadalaryny ornaşdyrmak, döwre görä emläk, şertnama-hukuk, eýeçilik, hukuk bozulmalarynyň öňüni almak bilen bagly kanunçylygy kämilleşdirmek bilen baglanyşykly esasy ugurlar boýunça makala ýazmak bäsleşigiň hem jemi jemlendi.
Şeýle bäsleşikleriň “Pähim paýhas ummany – Magtymguly Pyragy” ýylynda yzygiderli geçirilip durmagy ýaşlarda Watançylyk duýgularyny ösdürmeklige we ýurdumyzyň kanunçylyk binýadyny kämilleşdirmeklige itergi berer.
Tawus NEPESOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň II ýyl talyby.