DÖREDIJILIK BÄSLEŞIGI GEÇIRILDI
2024-nji ýylyň 14-nji martynda Türkmenistanyň Daşary işler ministrliginiň Halkara gatnaşyklary institutynda Dünýä dilleri kafedrasy, institutyň okuw – usulyýet topary we Türkmenistanyň Tebigaty goramak jemgyýeti bilen bilelikde institutyň gurnamagynda birinji ýyl talyplarynyň arasynda döredijilik bäsleşigi geçirildi. Bu çärä ähli fakultetleriň birinji ýyl talyplary gatnaşyp, intellektual we döredijilik ukyplaryny görkezdiler. Bäsleşik okuwçylaryň daşary ýurt dillerini öwrenmäge bolan gyzyklanmalaryny we döredijilik ukyplaryny ösdürmek we goldamak maksady bilen geçirildi. Birnäçe tapgyrdan ybarat bolan bu bäsleşik gatnaşyjylaryň ukyp-başarnyklaryny ýüze çykarmaklyga niýetlenildi. Bäsleşik rus we iňlis dillerinde geçirildi. Gyzgalaňly dowam eden bu bäsleşigiň dowamynda talyplar tapmaçalar, nakyllar we durnukly söz düzümleri bilen bagly ýumuşlary ýerine ýetirdiler. Bäsleşigiň tapgyrlarynyň biri «Tebigaty halas et, ömri halas et» atly temada düzme taýýarlamak we her bir toparyň taýýarlan suraty barada giňişleýin gürrüň bermekden ybaratdy. Netijede I orna Halkara hukugy fakultetiniň talyplary mynasyp boldular.
Dawut GEZEROW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň I ýyl tayby.