«Diplomatik protokol» atly ýöriteleşdirilen okuw merkeziniň nobatdaky ikinji tapgyry üstünlikli tamamlandy
2024-nji ýylyň 24-nji iýulynda Türkmenistanyň Daşary işler ministrliginiň Halkara gatnaşyklary institutynda «Diplomatik protokol» atly ýöriteleşdirilen okuw merkeziniň nobatdaky ikinji tapgyryny tamamlan diňleýjilere Türkmenistanyň Bilim ministrliginiň we Türkmenistanyň Daşary işler ministrliginiň Halkara gatnaşyklary institutynyň ýörite şahadatnamalary gowşurmak dabarasy geçirildi.
Ýatlap geçsek, 2024-nji ýylyň 1-nji iýunynda merkeziniň gysga wagtlaýyn okuwlaryna badalga berildi. Nobatdaky tapgyrda ýöriteleşdirilen okuw merkeziniň okuwlaryna 15 sany diňleýji gatnaşyp, ony üstünlikli tamamlady. Oňa gatnaşyjylar iki aýyň dowamynda Türkmenistanyň Daşary işler ministrliginiň wekilleriniň we halypa diplomatlarymyzyň ylmy hem-de köpýyllyk tejribä esaslanýan sapaklaryny geçdiler.
Türkmenistanyň Daşary işler ministrliginiň Halkara gatnaşyklary institutynda “Diplomatik protokol” atly ýöriteleşdirilen okuw merkeziniň hereket etmegi bu öňdebaryjy ýokary okuw mekdebiň ylmy-barlag we intellektual mümkinçiliklerini artdyrýar.
Annagül NAZAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.