Daşky gurşawy goramaga bagyşlanan okuw sapagy
2023-nji ýylyň 26-njy iýunynda Türkmenistanyň Daşary işler ministrliginiň Halkara gatnaşyklary institutynda “Daşky gurşawy goramagyň Bütindünýä güni” mynasybetli okuw sapagy geçirildi. Oňa institutyň Halkara ykdysady gatnaşyklary fakultetiniň I ýyl talyplary işjeň gatnaşdylar. Okuw sapagyny institutyň Halkara ykdysady gatnaşyklary kafedrasynyň uly mugallymy R.Bäşimow alyp bardy.
Bu okuw sapagy “Daşky gurşawy goramagyň Bütindünýä güni” atly tema boýunça geçirildi. Sapagyň dowamynda ekologiýanyň ugurlary, Türkmenistan ýurdumyzda ekologiýa boýunça alyp barylýan işler, ekologiýanyň häzirki wagtdaky meselelerini çözmekde ulanylýan çözgütler barada giňişleýin gürrüň berildi. Talyplar üçin okuw sapagy örän täsirli boldy. Täze-täze maglumatlara baý bolan sapagyň dowamynda talyp ýaşlar mugallyma özlerini gyzyklandyrýan sowallar bilen ýüzlendiler.
Güljeren ATAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň I ýyl talyby.