“Commerzbank AG” bankynyň bilermenleri okuw maslahatyny geçirdiler
2021-nji ýylyň 30-nji martynda Germaniýanyň iri maliýe konsernleriniň biri bolan “Commerzbank AG” bankynyň makro ykdysadyýet we energetika boýunça bilermenleri sanly wideoaragatnaşyk arkaly Halkara ynsanperwer ylymlary we ösüş üniwersitetiniň, Türkmen döwlet ykdysadyýet we dolandyryş institutynyň, Türkmen döwlet maliýe institutynyň, Türkmenistanyň Daşary işler minstrliginiň Halkara gatnaşyklary institutynyň Halkara ykdysady gatnaşyklary fakultetiniň mugallymlary we talyplary bilen okuw-maslahatyny geçirdiler.
Maslahatda “Commerzbank AG” bankynyň energetika boýunça baş seljerijisi Oýgen Waýnberg we bu bankyň Türkmenistan boýunça wekili Ýohen Engbreht çykyş edip, Türkmenistanyň Garaşsyzlygynyň şanly 30 ýyllygy, baky Bitaraplygyň 25 ýyllgy, “Türkmenistan-Parahatçylygyň we ynanyşmagyň Watany” ýyly mynasybetli hormatly Prezidentimiziň energetika pudagy ösdürmek babatda alyp barýan syýasatynyň üstünlikli durmuşa geçirilmegi üçin Türkmenistanda giň mümkinçilikleriň döredilýändigini nygtap geçdiler.
Maslahatda bank ulgamynda tejribe alyşmakda we göni işewürlik gatnaşyklaryny ýola goýmakda bilelikdäki duşuşyklaryň, brifing maslahatlaryň we beýleki çäreleriň geçirilmeginiň uly ähmiýetiniň bardygy nygtalyp geçildi.
Maslahata gatnaşyjylar ýaşlary Dünýäniň iri maliýe banklarynyň işine giňden çekmekde berýän çäksiz goldawlary üçin hormatly Prezidentimize alkyş sözlerini aýtdylar.
Arslankerim KERIMOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň 2-nji ýyl talyby