“Check Your Vocabulary and Spelling” atly onlaýn ders bäsleşigi geçirildi
2023-nji ýylyň 11-nji aprelinde Türkmenistanyň Bilim ministrliginiň we Magtymguly adyndaky Türkmen döwlet uniwersitetiniň gurnamagynda “Arkadag Serdarly bagtyýar ýaşlar” ýyly mynasybetli “Türkmenistanda daşary ýurt dillerini okatmagy kämilleşdirmegiň Konsepsiýasyny”, “Türkmenistanda sanly bilim ulgamyny ösdürmegiň Konsepsiýasyny” durmuşa ornaşdyrmagyň çäklerinde ýurdumyzyň ýokary okuw mekdepleriniň talyplarynyň arasynda iňlis dili boýunça “Check Your Vocabulary and Spelling” atly onlaýn ders bäsleşigi geçirildi.
Bu ders bäsleşigine Türkmenistanyň Daşary işler ministrliginiň Halkara gatnaşyklary institutyndan üç talyp gatnaşyp, özleriniň iňlis dilini kämilleşdirmekdäki ukyp-başarnyklaryny barlap gördüler.
Bäsleşigiň netijeleriniň ýakyn günlerde belli boljakdygy aýdyldy.
Rahmet SOLTANOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň IV ýyl talyby.