Bütindünýä şäherler gününi bellemegiň çäginde ýaşlar bilen ylham beriji duşuşyk geçirildi
2024-nji ýylyň 14-nji oktýabrynda BMG-niň Aşgabatdaky wekilhanasynyň binasynda Bütindünýä şäherler güni mynasybetli BMG-niň Ösüş maksatnamasynyň Türkmenistandaky hemişelik wekilhanasy Türkmenistanyň Daşary işler ministrliginiň Halkara gatnaşyklary instituty bilen bilelikde TurkmenYouth4SDGs tapgyrlaryň çäginde ýaşlar bilen ylham beriji duşuşyk geçirildi.
Bu duşuşykda BMG-niň Ösüş maksatnamasynyň hünärmenleri Durnukly ösüş maksatlaryna (DÖM) we howanyň üýtgemegine garşy göreşde ýaş nesliň möhüm orun eýeläp biljekdigini ara alyp maslahatlaşdylar. Şeýle-de mowzuklar durnukly şäherleriň döredilmegi, jogapkärçilikli sarp ediş we galyndylary dolandyrmagy öz içine aldy.
Mundan başga-da “Durnukly şäherler” taslamasynyň hünärmenleri galyndylary dolandyrmak we sarp etmek boýunça halkara tejribelerini paýlaşdylar. Täsirli geçen duşuşyk ýaşlarda ekologiýa taýdan arassa we durnukly geljegi döretmäge uly höwes döretdi.
Gülaýym BAKYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň
I ýyl talyby.