BRAZILIÝA FEDERATIW RESPUBLIKASYNYŇ TÜRKMENISTANDAKY ADATDAN DAŞARY WE DOLY YGTYÝARLY ILÇISI BILEN DUŞUŞYK GEÇIRILDI
2024-nji ýylyň 13-nji dekabrynda Türkmenistanyň Daşary işler ministrliginiň Halkara gatnaşyklary institutynda Braziliýa Federatiw Respublikasynyň Türkmenistandaky Adatdan daşary we Doly ygtyýarly Ilçisi jenap Marsel Fortuna Biatonyň gatnaşmagynda duşuşyk geçirildi. Duşuşyga Türkmenistanyň Daşary işler ministrliginiň Halkara gatnaşyklary institutynyň we Halkara ynsanperwer ylymlary we ösüş uniwersitetiniň talyplary gatnaşdylar.
Ilçi duşuşygyň dowamynda iki ýurduň biri-birinden uzakda ýerleşýändigine garamazdan, döwletara gatnaşyklary ösdürmäge mümkinçileriň döredilýändigi dogrusynda belläp geçdi. Şeýle hem ilçi türkmen-brazil gatnaşygy, söwda-ykdysady we medeni-ynsanperwer ugurlar boýunça alnyp barylýan ikitaraplaýyn hyzmatdaşlyk barada gürrüň berdi.
Duşuşyk talyplar üçin örän gyzykly bolup, olar özlerini gyzyklandyrýan sowallaryna jogap aldylar.
Şasenem MEÝLISOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň III ýyl talyby.