Brain-ring bäsleşiginde geljekki halkaraçy žurnalistler 3-nji orny eýelediler
2023-nji ýylyň 28-nji maýynda Türkmenistanyň Telekommunikasiýalar we informatika institutynda ýurdumyzyň ýokary okuw mekdepleriniň arasynda Magtymguly Pyragynyň doglan gününiň 300 ýyllygyna bagyşlanyp guralan brain-ring bäsleşiginiň jemi jemlendi. Saýlama tapgyrlarda ýeňiji bolan toparlar jemleýji tapgyrda baýrakly orunlary almak ugrunda özara bäsleşdiler.
Jemleýji tapgyrda Türkmen döwlet ykdysadyýet we dolandyryş instituty bilen bolan duşuşyk Türkmenistanyň Daşary işler ministrliginiň Halkara gatnaşyklary instituty üçin şowsuz tamamlandy. Ruhdan düşmedik talyplar soňky oýunda Seýitnazar Seýdi adyndaky Türkmen döwlet mugallymçylyk instituty bilen bäsleşip, 4:3 hasabynda baýrakly 3-nji orna mynasyp boldular.
Bäsleşik örän çekeleşikli we dartgynly ýagdaýda geçdi. Talyplar ýokary taýýarly gelendiklerini soraglara gysga wagtyň içinde takyk jogaplary bermek bilen subut etdiler.
Türkmenistanyň Daşary işler ministrliginiň Halkara gatnaşyklary institutyndan düzülen toparyň düzümi:
1. Mätgurban Mätgurbanow, Halkara žurnalistikasy fakultetiniň 2-nji ýyl talyby.
2. Gurbansähet Gurbansähedow, Halkara žurnalistikasy fakultetiniň 2-nji ýyl talyby.
3. Rahym Şameýew, Halkara žurnalistikasy fakultetiniň 3-nji ýyl talyby.
4. Bägül Kakalyýewa, Halkara žurnalistikasy fakultetiniň 2-nji ýyl talyby.
5. Atamyrat Ýazweliýew, Halkara žurnalistikasy fakultetiniň 1-nji ýyl talyby.
6. Aýşirin Döwletowa, Halkara žurnalistikasy fakultetiniň 1-nji ýyl talyby.
Arslan JUMANAZAROW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň
1-nji ýyl talyby.
Şeýle hem bu barada şu ýerden
okap bilersiňiz: