BMG-NIŇ HALKARA GÜNI MYNASYBETLI BÄSLEŞIK GEÇIRILDI
2026-nji ýylyň 24-nji oktýabrynda Türkmenistanyň Daşary işler ministrliginiň Halkara gatnaşyklary institutynda Halkara hukugy we deňeşdirme hukuk öwreniş kafedrasynyň “Ýaş hukukçylar” ylmy gurnagynyň we "Ýaş alymlar geňeşiniň" bilelikde guramagynda BMG-niň halkara güni mynasybetli bäsleşik geçirildi. Bu bäsleşige Halkara hukugy fakultetiniň 2-nji ýyl talyplary gatnaşdylar. Bäsleşigiň esasy maksady BMG-niň taryhy, tertipnamasy,maksatnamalary we halkara parahatçylygyny, howpsuzlygyny saklamakdaky orny baradaky düşünjelerini giňeltmekden, olaryň halkara gatnaşyklary we halkara guramalaryň işi baradaky düşünjelerini ýokarlandyrmakdan ybarat boldy.
Bäsleşigiň netijeleri boýunça Halkara hukugy fakultetiniň 2-nji ýyl talyplary Nazar Bazarow, Nartäç Berdiýewa, Wepa Myradow, Baýramgül Toýlygylyjowa we Aýgözel Tuwakberdiýewa dagy ýeňiji boldylar. Bäsleşikde ýeňiji bolan talyplara gymmat bahaly sowgatlar gowşuryldy.
Nartäç BERDIÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň 2-nji ýyl talyby