BIZ SIZE BUÝSANÝARYS !
Her ýylda ýokary okuw mekdepleriniň talyplarynyň arasynda geçirilýän okuw dersleri boýunça Döwlet bäsleşigine 2021-2022-nji okuw ýylynda hem Türkmenistanyň Daşary işler ministrliginiň Halkara gatnaşyklary institutynyň talyplary dürli ugurlar boýunça gatnaşyp, baýrakly orunlara mynasyp bolmagy başardylar. Ders bäsleşigine institutymyzyň talyplarynyň 13-isi Türkmenistanyň taryhy, iňlis dili, rus dili, türkmen dili, matematika, häzirki zaman kompýuter tehnologiýalary dersleri boýunça gatnaşyp, olardan 3-isi II orna, 10-sy III-nji orna mynasyp boldular. Türkmenistanyň taryhy dersi boýunça Halkara gatnaşyklary fakultetiniň 2-nji ýyl talyby Mergen Baýrammyradow III orna, şol fakultetiň 3-nji ýyl talyby Kuwwat Mämmedow III orna we 1-nji ýyl talyby Batyr Esenow III, orna iňlis dili dersi boýunça Halkara gatnaşyklary fakultetiniň 5-nji ýyl talyby Şageldi Çopanow II orna, şol fakultetiň 3-nji ýyl talyby Rahmet Soltanow II orna we 2-nji ýyl talyby Baýnazar Nepesow III orna, rus dili dersi boýunça Halkara žurnalistikasy fakultetiniň 1-nji ýyl talyby Annaberdi Kaşaňow II orna we Halkara ykdysady gatnaşyklary fakultetiniň 2-nji ýyl talyby Ýulduz Astanowa III orna, türkmen dili dersi boýunça Mätgurban Matkurbanow III orna, matematika dersi boýunça Halkara ykdysady gatnaşyklary fakultetiniň 4-nji ýyl talyby Akmyrat Tirkeşow III orna we şol fakultetiň 2-nji talyby Arazgül Ballyýewa III orna, häzirki zaman kompýuter tehnologiýalary dersi boýunça Halkara gatnaşyklary fakultetiniň 1-nji ýyl talyby Ysmaýyl Berdiýew III orna we şol fakultetiň 1-nji ýyl talyby Maksat Taganow III orna mynasyp bolmagy başardylar. Ýeňiji bolan talyplara Türkmenistanyň Bilim ministrliginiň Diplomlary we institutymyzyň ýadygärlik sowgatlary gowşuryldy.
Biz hem ýeňiji bolan talyplarymyzy institutymyzyň mugallymlarynyň we talyplarynyň adyndan tüýs ýürekden gutlaýarys. Ýeňişleriňiziň yzy gür bolsun talyp deň-duşlarymyz!
Uzukjemal ANNAMYRADOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.