«Bitarap Türkmenistanda Durnukly ösüş maksatlarynyň ileri tutulýan ugurlary» atly prezentasiýa bäsleşigi geçirildi
2025-nji ýylyň 10-njy noýabrynda Türkmenistanyň Daşary işler ministrliginiň Halkara gatnaşyklary institutynda «Bitarap Türkmenistanda Durnukly ösüş maksatlarynyň ileri tutulýan ugurlary» atly prezentasiýa bäsleşigi geçirildi. Bu bäsleşik institutyň Dünýä dilleri kafedrasynyň «EcoClub» gurnagy we Halkara ykdysady gatnaşyklary kafedrasynyň «Ýaş ykdysatçylar» gurnagy bilen bilelikde guraldy. Oňa institutymyzyň Halkara ykdysady gatnaşyklary fakultetiniň 2-nji we 3-nji ýyl talyplary işjeň gatnaşdylar.
Talyplar bäsleşikde Durnukly ösüş maksatlarynyň ileri tutulýan ugurlaryndan söz açýan prezentasiýalar bilen çykyş etdiler. Çykyşlarda eziz Diýarymyzda Durnukly ösüş maksatlaryna ýetmek ugrunda edilýän işler barada bellenilip, Türkmenistan döwletimiziň bu babatdaky başlangyçlara işjeň gatnaşýandygy nygtaldy. Şeýle-de, Gahryman Arkadagymyzyň «Türkmenistan Durnukly ösüşiň maksatlaryna ýetmegiň ýolunda» atly kitabynyň bu ugurdaky işlerde ýol görkeziji bolup hyzmat edýändigi tekrarlandy.
Bäsleşigiň ahyrynda Halkara ykdysady gatnaşyklary fakultetiniň 3-nji ýyl talyplary Myrat Amangeldiýew I orna, Atamämmet Kulçarow II orna we şol fakultetiň 2-nji ýyl talyby Täçmahal Allaberdiýewa III orna mynasyp boldular.
Atamyrat GYLYJOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň 2-nji ýyl talyby.