Bilimiň täze sepgitlerine tarap
2020-nji ýylyň dekabr aýynda Türkmenistanyň Bitaraplygynyň şanly 25 ýyllygy mynasybetli Halkara ynsanperwer ylymlary we ösüş uniwersiteti tarapyndan ýurdumyzyň ýokary okuw mekdepleriniň talyplarynyň arasynda geçirilen hytaý dili dersi boýunça açyk internet olimpiadasynda hytaý dili (II dereje) boýunça III orna Türkmenistanyň Daşary işler ministrliginiň Halkara gatnaşyklary institutynyň Halkara žurnalistikasy fakultetiniň 3-nji ýyl talyby Rüstem Gurbanow, Türkmenistanyň Daşary işler ministrliginiň Halkara gatnaşyklary institutynyň Halkara hukugy fakultetiniň 3-nji ýyl talyby Döwlet Garajaýew hem-de hytaý dili (I dereje) boýunça III orna Türkmenistanyň Daşary işler ministrliginiň Halkara gatnaşyklary institutynyň Halkara žurnalistikasy fakultetiniň 1-nji ýyl talyby Didar Yslamow mynasyp boldular we diplomlar bilen sylaglandylar. Geçirilýän şeýle zehin bäsleşiklerine yzygiderli gatnaşyp, baýrakly orunlara mynasyp bolýan talyplar biziň guwanjymyzdyr!
Hormatly Arkadag Prezidentimiziň ýaşlar hakynda edýän atalyk aladalaryna jogap edip, özleriniň ukyp-başarnyklaryny kämilleşdirip, bilimlerini artdyrmaly. Ata-babalarymyzyň bize miras goýan iň bir naýbaşy häsiýetlerini özünde jemleýän, Watanymyzyň geljegi üçin güýç-gaýratyny gaýgyrmaýan, edermen, ökde hünärmen bolup ýetişmek biziň her bir ýaşlarymyzyň baş maksadydyr!
Gülşat Ýusupowa,
Türkmenistanyň Daşary işler
ministrliginiň Halkara gatnaşyklary
institutynyň okuw işleri boýunça prorektory