Bilim ulgamynda netijeli hyzmatdaşlyk
2024-nji ýylyň 26-njy noýabrynda Türkmenistanyň Daşary işler ministrliginiň Halkara gatnaşyklary institutynda Ukrainanyň Taras Şewçenko adyndaky Kiýew milli uniwersitetiniň wekilleri bilen onlaýn okuw maslahaty başlandy. Maslahat bilim ulgamyndaky hyzmatdaşlygy has-da ilerletmek hem-de Magtymguly Pyragynyň baý döredijiligine bagyşlanyp, oňa türkmen diplomatiýasynyň milli mekdebiniň, Magtymguly adyndaky Türkmen döwlet uniwersitetiniň, Halkara ynsanperwer ylymlary we ösüş uniwersitetiniň professor mugallymlary hem-de talyp ýaşlary işjeň gatnaşýarlar.
“Pähim-paýhas ummany Magtymguly Pyragy” ýylynda Döwlet Baştutanymyzyň üstünlikli durmuşa geçirýän daşary syýasy strategiýasynda ylym-bilim ugurly gazanylýan ylalaşyklar gün-günden ýygjamlaşýar, ýola goýulýan hyzmatdaşlyklar hil taýdan täze derejä çykýar. Şunuň bilen baglylykda, üç günüň dowamynda geçirilýän onlaýn okuw maslahatynda iki döwletiň professor-mugallymlarynyň arasynda ikitaraplaýyn hyzmatdaşlygyň möhüm meseleleri esasynda pikir alyşýarlar.
Onlaýn okuw maslahaty türkmen-ukrain bilim hyzmatdaşlygynyň ösüşini has-da giňeldip, iki dostlukly döwletiň ýokary okuw mekdepleri bilen gatnaşyklaryň möhüm we netijeli ugurlaryny kesgitleýär.
Şamyrat AŞYRMYRADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň IV ýyl talyby.