Beýik Britaniýanyň wodorod energetikasynyň aýratynlyklaryna bagyşlanan webinar maslahaty geçirildi
2022-nji ýylyň 19-njy aprelinde Türkmenistanyň Daşary işler ministrliginiň Halkara gatnaşyklary institutynyň mugallymlarynyň gatnaşmagynda Türkmenistanyň Beýik Britaniýa we Demirgazyk Irlandiýanyň Birleşen Korollygyndaky wekilhanasy tarapyndan ýörite webinar maslahaty geçirildi.
Maslahatyň dowamynda çykyş edenler Türkmenistanda wodorod energetikasyny ornaşdyrmagyň aýratynlyklary, bu babatda Beýik Britaniýanyň öňdebaryjy kompaniýalarynyň işi, şeýle-de türkmen-britan wodorod hyzmatdaşlygynyň ähmiýeti babatynda giňişleýin gürrüň etdiler. Şunuň bilen baglylykda, bilermenler ýurdumyzda wodorod energetikasyny ösdürmek boýunça giň möçberli maksatnamalaýyn işleriň durmuşa geçirilýändigi babatynda hem aýdyp geçdiler.
Maslahatyň ahyrynda bilermenler ýurdumyzda wodorod energetikasyny ösdürmek boýunça hormatly Prezidentimiziň alyp barýan döwlet syýasatynyň ähmiýetine hem ýokary baha berdiler.
Akgözel RASULOWA,
Türkmenistanyň Daşart işler ministrliginiň
Halkara gatnaşyklary institutynyň
Halkara gatnaşyklary fakultetiniň 2-nji ýyl talyby.