BAÝRAMÇYLYK MYNASYBETLI SPORT ÝARYŞY GEÇIRILDI
Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň parasatly baştutanlygynda ýurdumyzyň her bir güni şanly wakalara, toýdur baýramlara beslenýär. Biz ýaşlaryň ylymly-bilimli, giň dünýägaraýyşly, sagdyn bedenli ýaşlar bolup ýetişmegimiz üçin ähli mümkinçilikler döredilýär. Ýurdumyzda syýasy medeni çäreler bilen birlikde sport çäreleri öz gerimini has-da giňeltdi. Bu bolsa ýurdumyzda ýaşlara döredilýän ähli mümkinçiliklere doly şaýatlyk edýär.
2024-nji ýylyň 20-nji martynda Türkmenistanyň Daşary işler ministrliginiň Halkara gatnaşyklary institutynyň “Älem” sport merkezinde Halkara Nowruz güni mynasybetli sportuň gandbol görnüşi boýunça fakultetara sport ýaryşy geçirildi.
Bäsleşik özüniň ýatda galyjylygy bilen tapawutlandy. Onda ýeňiji bolanlara ýaryşyň guramaçylary tarapyndan ýadygärlik sowgatlar gowşuryldy.
Mansur BERDINAZAROW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy
fakultetiniň II ýyl talyby.