Baýramçylyk maslahaty geçirildi
2022-nji ýylyň 9-njy fewralynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatik işgärleriniň güni mynasybetli Türkmenistanyň Milli Geňeşiniň, Türkmenistanyň Kärdeşler arkalaşygynyň Milli merkeziniň hem-de Türkmenistanyň Daşary işler ministrliginiň we Türkmenistanyň Daşary işler ministrliginiň Halkara gatnaşyklary institutynyň bilelikde gurnamagynda "Türkmenistanyň diplomatiýasy — onuň taryhy, şu güni we geljegi" atly baýramçylyk maslahaty geçirildi. Maslahatyň dowamynda Türkmenistanyň Döwlet, hukuk we demokratiýa institutynyň işgärler bölüminiň müdiri, Meretguly Tangiýew, Türkmenistanyň Kärdeşler arkalaşygynyň Milli merkeziniň döwlet edaralarynyň işgärleriniň kärdeşler arkalaşygy boýunça esasy hünärmeni Aýgözel Pirnazarowa, Türkmenistanyň Daşary işler ministrliginiň Halkara gatnaşyklary institutynyň Jemgyýeti öwreniş kafedrasynyň uly mugallymy Täçnabat Paýtykowa hem-de institutyň Halkara ykdysady gatnaşyklary kafedrasynyň mugallymy Perhat Çaryýew dagylar çykyş etdiler. Maslahatda çykyş edenler türkmen diplomatiýasynyň ileri tutulýan ugurlary, onuň taryhy, şu günki möhüm meseleleri hem-de hormatly Prezidentimiziň tagallasy bilen ýurdumyzyň alyp barýan parahatsöýüjilikli daşary syýatynyň dünýäde parahatçylygy we howpsuzlygy berkitmekdäki orny barada belläp geçdiler.
Baýramçylyk maslahatynyň ahyrynda gatnaşyjylar türkmen diplomatiýasyny kämilligiň ýokary derejesine ýetirmekde alyp barýan işleri üçin hormatly Prezidentimize öz hoşallygyny bildirdiler.
Aýna Babaýewa,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň II ýyl talyby.