![BÄSLEŞIK YGLAN EDILÝÄR surady](https://iirmfa.edu.tm/images/posts/b2-4_1676540585.webp)
650
BÄSLEŞIK YGLAN EDILÝÄR
Türkmenistanyň Mukaddes Garaşsyzlygynyň 31 ýyllygy mynasybetli
Türkmenistanyň Daşary işler ministrliginiň Halkara gatnaşyklary institutynyň
Halkara hukugy we deňeşdirme hukuk öwreniş kafedrasynyň we “Ýaş hukukçylar” ylmy gurnagynyň
gurnamagynda Türkmenistanyň Magtymguly adyndaky Türkmen döwlet uniwersitetiniň,
Halkara ynsanperwer ylymlary we ösüş uniwersitetiniň we Türkmenistanyň Daşary işler ministrliginiň
Halkara gatnaşyklary institutynyň talyplarynyň arasynda geçiriljek bäsleşigiň
DÜZGÜNNAMASY
Ýurdumyza Halkara gatnaşyklarynyň doly hukukly agzasy hökmünde öz syýasy garaýyşyny beýan etmäge mümkinçilik beren şanly Garaşsyzlygymyzyň 31 ýyllygyna bagyşlanyp, häzirki wagtda hormatly Prezidentimiziň adamyň we raýatyň hukuklaryny, azatlyklaryny we borçlaryny ýaşlara giňden düşündirmek boýunça beren tabşyryklaryny durmuşa geçirmek maksady bilen Türkmenistanyň Daşary işler ministrliginiň Halkara gatnaşyklary institutynyň Halkara hukugy we deňeşdirme hukuk öwreniş kafedrasynyň we “Ýaş hukukçylar” ylmy gurnagynyň gurnamagynda Türkmenistanyň Magtymguly adyndaky Türkmen döwlet uniwersitetiniň, Halkara ynsanperwer ylymlary we ösüş uniwersitetiniň we Türkmenistanyň Daşary işler ministrliginiň Halkara gatnaşyklary institutynyň talyplary üçin bäsleşik yglan edýär.
1) BÄSLEŞIGIŇ ESASY MAKSADY
Bu bäsleşik Türkmenistanyň ýokary okuw jaýlarynyň dürli ugurlaryndan okaýan talyplarynyň Türkmenistanyň kanunçylyk esaslary barada bolan düşünjesini kämilleşdirmäge gönükdirilendir.
2) BÄSLEŞIGIŇ GURNAÝJYSY
Bäsleşik Türkmenistanyň Daşary işler ministrliginiň Halkara gatnaşyklary institutynyň Halkara hukugy we deňeşdirme hukuk öwreniş kafedrasynyň we “Ýaş hukukçylar” ylmy gurnagynyň gurnamagynda geçirilýär.
3) BÄSLEŞIGE GATNAŞYJYLAR
Türkmenistanyň Magtymguly adyndaky Türkmen döwlet uniwersitetiniň talyplary;
Halkara ynsanperwer ylymlary we ösüş uniwersitetiniň talyplary;
Türkmenistanyň Daşary işler ministrliginiň Halkara gatnaşyklary institutynyň talyplary.
Bellik: Gatnaşyjylaryň arasynda deňagramlylygy saklamak maksady bilen, bäsleşige halkara hukugy we hukuk işi ugurlaryndan okaýan talyplar gatnaşdyrylmaýarlar.
4) BÄSLEŞIGIŇ TAPGYRLARY, GEÇIRILIŞ TERTIBI, GATNAŞYJYLARY BELLIGE ALYŞ
4.1) Bäsleşigiň tapgyrlary:
Saýlama tapgyry;
Ýarym final;
Final.
4.2)Geçiriliş tertibi:
Saýlama tapgyry
Bu tapgyrda bellige alnan gatnaşyjylaryň görkezen elektron salgysyna soragly ýumuşlar ugradylar. Olar berlen soraglara milli kanunçylygymyza salgylanyp,öz düşünjesini beýan edip, jogap ýazmaly. Her ýokary okuw jaýyndan 3 (üç) sany iň gowy jogap ýazan talyp indiki tapgyra geçmäge hukuk gazanýar.
Ýarym final. Türkmenistanyň kanunçylygynyň esaslarynyň çäginde düzülen soraglara jogap bermek.
Bu tapgyr Wiktorina oýny görnüşinde geçirilýär.Talyplar bije esasynda 3 topara bölünýärler.Her topar üçin aýratyn wiktorina oýny geçirilýär. Oýnuň dowamynda toparyň agzalary öz nobaty boýunça monitoryň ekranynda temasyna we kynlygyna görä utuklar bilen bellenen öýjüklerden birini saýlap, öýjükden çykan soraglara jogap bermeli. Her toparlaýyn oýnuň jemi boýunça iň köp utuk gazanan talyp Final oýnuna geçýär.
Final. Wiktorina oýnunyň dowamy.
Ýarym final tapgyrynyň ýeňijileri Finalda wiktorina oýnunyň giňeldilen görnüşinde öz arasynda bäsleşýärler.
Gatnaşyjylary bellige alyş
Gatnaşmaga isleg bildirýän talyplar aşakda görkezilişi ýaly özi barada maglumaty tdimhgibasleshik@gmail.com elektron salgysyna document word görnüşinde 16.09.2022 ý. senesine çenli ugratmalydyr.
Talybyň ady, familiýasy;
Okaýan ýokary okuw jaýy;
Fakulteti we ugry;
Okaýan ýyly;
Elektron salgysy;
Habarlaşmak üçin telefon belgisi.
5) BAÝRAKLAR
Bäsleşigiň netijelerine görä, gatnaşyjylara Hormat hatlary we gymmat bahaly sowgatlar berler.
Final tapgyrynda 1-nji orny eýelän talyp geçirilen bäsleşigiň göçme kubogyny hem eýeleýär.
6) BÄSLEŞIGIŇ GEÇIRILÝÄN ÝERI WE WAGTY
Bäsleşigiň Ýarym final we Final tapgyrlary Türkmenistanyň Daşary işler ministrliginiň Halkara gatnaşyklary institutynyň mejlisler zalynda geçirilýär.
Saýlama tapgyryň soraglary 17.09.2022 ý. senesinde gatnaşyjylaryň görkezen elektron salgylaryna ugradylar.
Gatnaşyjylar saýlama tapgyryň ýumuşlarynyň jogaplaryny 22.09.2022 ý. senesine çenli tdimhgibasleshik@gmail.com (iň soňky gün 21.09.2022 ý.) ugratmalydyrlar.
Saýlama tapgyryndan üstünlikli geçen talyplaryň sanawy Türkmenistanyň Daşary işler ministrliginiň Halkara gatnaşyklary institutynyň web-sahypasynda 23.09.2022 ý. senesinde goýular.
Ýarym final tapgyrynyň geçirilýän wagty - 24.09.2022 ý.
Final tapgyrynyň geçirilýän wagty - 26.09.2022 ý.
7) GOŞMAÇA ŞERTLER WE BELLIKLER
Final tapgyryna çykan talyplar Ýarym finalda jemlän utuklary bilen bäsleşige başlaýarlar.
Gatnaşyjyny bellige alyş elektron kagyzyny ugratmadyk talyplar bäsleşige gatnaşyp bilmeýärler.
Bäsleşik RUS dilinde geçirilýär we Saýlama tapgyryň soraglarynyň jogaplary RUS dilinde ugradylmalydyr. Ýarym final we Final tapgyrlaryň dowamynda gatnaşyjylar berlen soraglara RUS ýa-da TÜRKMEN dilinde jogap berip bilerler.
Düzgünnamada görkezilen senelerden soň edilen hereketler Gurnaýjy topar tarapyndan kabul edilemeýär.
Bäsleşik barada goşmaça soraglar ýüze çykanda tdimhgibasleshik@gmail.com elektron salgysyna soragyňyzy ýollap bilersiňiz.
Bäsleşigiň saýlama tapgyrynyň netijeleri
Türkmenistanyň Garaşsyzlygynyň 31 ýyllygy mynasybetli Türkmenistanyň Daşary işler ministrliginiň Halkara gatnaşyklary institutynyň Halkara hukugy we deňeşdirme hukuk öwreniş kafedrasynyň “Ýaş hukukçylar” ylmy gurnagynyň gurnamagynda Türkmenistanyň Magtymguly adyndaky Türkmen döwlet uniwersitetiniň, Halkara ynsanperwer ylymlary we ösüş uniwersitetiniň we Türkmenistanyň Daşary işler ministrliginiň Halkara gatnaşyklary institutynyň talyplarynyň arasynda geçirilýän bäsleşigiň saýlama tapgyryndan üstünlikli geçen talyplaryň sanawy:
Medine Sopytaganowa. Magtymguly adyndaky Türkmen Döwlet uniwersitetiniň Taryh fakultetiniñ I ýyl talyby
Perman Kyýasow. Magtymguly adyndaky Türkmen Döwlet uniwersitetiniň Iňlis dili we edebiýaty fakultetiniň III ýyl talyby
Mekan Muradow. Magtymguly adyndaky Türkmen Döwlet uniwersitetiniň Iňlis dili we edebiýaty fakultetiniň V ýyl talyby
Aýlar Atajykowa. Türkmenistanyň Daşary işler ministrliginiň Halkara gatnaşyklary institutynyň Halkara žurnalistikasy fakultetiniň III ýyl talyby
Dilnoza Muhadowa. Türkmenistanyň Daşary işler ministrliginiň Halkara gatnaşyklary institutynyň Halkara žurnalistikasy fakultetiniň III ýyl talyby
Arslankerim Kerimow. Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary fakultetiniň IV ýyl talyby
Soňky täzelikler
![DALAŞGÄRLERIŇ DYKGATYNA! surady](https://iirmfa.edu.tm/images/posts/1721025472140967493-1000_1721045414.webp)
15/07/2024
DALAŞGÄRLERIŇ DYKGATYNA!