BÄSLEŞIGIŇ JEMI JEMLENDI
2023-nji ýylyň 25-nji maýynda Türkmenistanyň Prezidentiniň 2017-nji ýylyň 15-nji sentýabryndaky 340 belgili Karary bilen tassyklanan Türkmenistanda sanly bilim ulgamyny ösdürmegiň Konsepsiýasyny durmuşa ornaşdyrmagyň Meýilnamasyny ýerine ýetirmek, bilim ulgamynda innowasiýalary ornaşdyrmak, döwrebap žurnalistikany ösdürmek, hormatly Prezidentimiziň 2020-nji ýylyň 23-nji fewralynda hem-de 2021-nji ýylyň 9-njy fewralynda internet žurnalistikasyny, fotožurnalistikany ösdürmek babatda beren tabşyryklaryny durmuşa geçirmek, talyp ýaşlarda öz hünärine bolan höwesini artdyrmak maksady bilen, Türkmenistanyň Daşary işler ministrliginiň Halkara gatnaşyklary institutynyň talyplarynyň arasynda 25-nji maý — Aşgabat şäheriniň güni mynasybetli yglan eden «Arkadagyň ylhamy sen, Aşgabat!» atly foto bäsleşiginiň jemleri jemlendi.
Gözel paýtagtymyz Aşgabat şäheriniň gününe bagyşlanan foto bäsleşige institutyň talyplaryndan 100-e golaý suratlar gelip gowuşdy. Olaryň arasyndan iň gowulary bolsa, bäsleşigiň baýrakly orunlaryna mynasyp boldular. Bäsleşigiň netijeleri boýunça Halkara žurnalistikasy fakultetiniň I ýyl talyby Berdigylyç Ýazmyradow 1-nji orna, Halkara žurnalistikasy fakultetiniň IV ýyl talyby Gurbanjemal Ödegurbanowa 2-nji orna, Halkara hukugy fakultetiniň I ýyl talyby Kadyrmyrat Öwezgylyjow 3-nji orna mynasyp boldular. Ýeňiji bolan talyplara institutyň adyndan Hormat hatlary hem-de gymmat bahaly sowgatlar gowşuryldy.
Toýly Myratgeldiýew,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.
Şeýle hem bu barada şu ýerden
okap bilersiňiz: