30/11/-0001
550
“Awaza” Milli syýahatçylyk zolagynda geçen täsirli okuw maslahaty
Türkmenistanyň Zenanlar birleşiginiň Merkezi Geňeşi 2023-nji ýylyň ýanwar aýynyň 24-26-sy aralygynda “Awaza” Milli syýahatçylyk zolagynda ýerleşýän Türkmenistanyň Kärdeşler arkalaşyklarynyň Milli merkeziniň “Daýanç” sagaldyş merkezinde “Ösüşlere beslenen täze döwrüň buýsançly zenanlary” atly okuw maslahaty geçirildi. Bu okuw maslahatyna Türkmenistanyň Daşary işler ministrliginiň Halkara gatnaşyklary institutynyň mugallymlary Dürli Ballyýewa, Gülälek Çopanowa, Türkmenistanyň Bilim ministrliginiň wekilleri, şeýle hem ýurdumyzyň dürli pudak edaralarynyň zenanlary hem gatnaşdylar.
Okuw maslahatynyň dowamynda Arkadag Serdarly bagtyýar ýaşlar ýylynyň taryhy ähmiýetli wakalary türkmen halkynyň köp asyrlyk demokratik ýörelgeleriniň, döwletimiziň we jemgyýetimiziň durmuşynda möhüm syýasy wakalaryň sepleşip gitmegi, şeýle hem ýurdumyzyň möhüm syýasy meselelerini çözmekde tutuş halkymyz bilen maslahatlaşmak ýaly asylly däpleriniň häzirki döwürde-de mynasyp dowam etdirilýändigini nazara alyp birnäçe çykyşlar edildi. Şeýle-de, Türkmenistanyň Halk Maslahatynyň döredilmegi hem-de oňa giň ygtyýarlyklarynyň berilmegi bilen baglylykda, şeýle hem Türkmenistanyň Gahrymany, hormatly il ýaşulysy, Türkmenistanyň Halk Maslahatynyň Başlygy Gurbanguly Berdimuhamedow kanun esasynda türkmen halkynyň Milli Lideri diýlip ykrar edilmegi dogrusynda çykyşlar edildi.
Şeýle hem, Türkmenistanyň Zenanlar birleşiginiň Merkezi Geňeşiniň 2022-nji ýylyň dowamynda ýerine ýetirilen işleri, ýetilen sepgitleri we 2023-nji ýylda Gahryman Arkadagymyzyň, Arkadagly Serdarymyzyň ýurdumyzda durmuşa geçirilýän özgertmelere laýyklykda giň möçberli maksatnamalary üstünlikli ýerine ýetirmekde, demokratik ýörelgeleriniň dabaralanmagyny we jemgyýetçilik-syýasy gatnaşyklarynyň berkidilmegini üpjün etmek we ýerine ýetiriljek işler dogrusynda hasabatlar diňlenildi.
Maslahata gatnaşanlar halkymyzyň durmuş, hal-ýagdaýyny barha ýokarlandyrýan, halkymyzyň bagtyýar durmuşda ýaşamagy, ata Watanymyzyň gülläp ösmegi, berkarar türkmen döwletiniň dowamatynyň dowam bolmagy ugrunda nusgalyk işleri durmuşa geçirýän Gahryman Arkadagymyzyň, Arkadagly Serdarymyzyň janlarynyň sag, ömürleriniň uzak, ähli tutumly işleriniň rowaç bolmagyny arzuw etdiler.
DÜRLI BALLYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy we deňeşdirme hukuk
öwreniş
kafedrasynyň uly mugallymy,
Türkmenistanyň Zenanlar birleşiginiň
Merkezi Geňeşiniň işjeň agzasy.