04/03/2024
802
AŞGABATDA TÜRKMEN-OWGAN IŞEWÜRLIK MASLAHATY WE SERGISI ÖZ IŞINE BAŞLADY
Hormatly Prezidentimiziň alyp barýan hoşniýetli dostlukly gatnaşyklary netijesinde ýurdumyz goňşy döwletler bilen goňşuçylyk gatnaşyklaryny has-da berkidýär. Muňa mysal hökmünde Türkmenistanyň Söwda-senagat edarasynyň sergiler merkezinde 2024-nji ýylyň 4-6-njy marty alygynda türkmen-owgan işewürler maslahaty hem-de iki döwletiň harytlarynyň sergisi geçirilýär.
Sergide Owganystana wekilçilik edýän 200-den gowrak kompaniýalar özleriniň senagat we eksport mümkinçiliklerini açyp görkezýärler. Bu sergide çaý, guradylan miweler, ysly harytlar, halylar, şaý-sepler we senetçilik nusgalary ýaly gündogaryň milli aýratynlyklaryny özünde jemleýän önümler mynasyp ornuny tapdy. Mundan başga-da sergide gurluşyk we senagat harytlary, öýlerde ulanylýan himiki serişdeler, derman önümleri we azyk harytlary hödürlenýär.
Şeýle maslahatlaryň we sergileriň geçirilmegi Owganystan bilen Türkmenistanyň arasyndaky ikitaraplaýyn söwda-ykdysady hyzmatdaşlygy giňeltmäge, harytlaryň dolanyşygyny artdyrmaga, owgan kompaniýalary bilen işewür hyzmatdaşlygy ösdürmäge itergi berýär.
Aýjahan GULHANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň III ýyl talyby.