«Arkadag şäheriniň ikinji tapgyrynyň gurluşygyna hödürlenjek medeni dynç alyş toplumy» atly Hakaton bäsleşigi geçirildi
2023-nji ýylyň 23-nji iýunynda Türkmenistanyň Inžener-tehniki we ulag kommunikasiýalary instituty bilen Türkmen döwlet binagärlik-gurluşyk instituty tarapyndan geçirilen “Arkadag şäheriniň ikinji tapgyrynyň gurluşygyna hödürlenjek medeni dynç alyş toplumy” atly Hakaton bäsleşigi ýurdumyzyň ýokary okuw mekdepleriniň arasynda geçirildi.
Oňa Türkmenistanyň Daşary işler ministrliginiň Halkara gatnaşyklary institutynyň talyplary Halkara žurnalistikasy hünäriniň 1-nji ýyl Tagyýew Geldimyrat, Akmyradow Kakageldi, Halkara gatnaşyklary hünäriniň 1-nji ýyl talyby Baýlyýew Hojamyrat, Halkara ykdysady gatnaşyklary hünäriniň 2-nji ýyl talyby Begenjow Şamyrat dagylar gatnaşyp baýrakly III oruna mynasyp boldular.
Bu bäsleşik talyplaryň we ýaş alymlaryň, innowasiýa taslamalaryna ylmyň, önümçilik kärhanalaryň, kiçi we orta telekeçiligiň hünärmenleriniň ünsüni çekmäge ýardam edýär.
Oguljahan Jobborowa,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň II ýyl talyby.