Amerikanyň Birleşen Ştatlarynyň Halkara ösüş baradaky agentliginiň wekilleri bilen onlaýn maslahat geçirildi
2022-nji ýylyň 6-8-nji sentýabry aralygynda Türkmenistanyň Daşary işler ministrliginiň Halkara gatnaşyklary instituty we Amerikanyň Birleşen Ştatlarynyň Halkara ösüş baradaky agentliginiň gurnamagynda Türkmenistanyň diplomatik gullugynyň işgärleri üçin ýurtlaryň ykdysady taýdan bäsleşige ukyplylygyny artdyrmak boýunça Amerikanyň Birleşen Ştatlarynyň Halkara ösüş baradaky agentliginiň wekilleri bilen onlaýn maslahat geçirildi.
Onlaýn maslahata Amerikanyň Birleşen Ştatlarynyň Halkara ösüş baradaky agentliginiň wekilleri hem-de Türkmenistanyň Daşary işler ministrliginiň Halkara gatnaşyklary institutynyň, Halkara ykdysady gatnaşyklary kafedrasynyň uly mugallymy Perhat Çaryýew we şol kafedranyň mugallymy Sülgün Nepesowa gatnaşdy. Amerikanyň Birleşen Ştatlarynyň Halkara ösüş baradaky agentliginiň wekilleri institutyň mugallymlarynyň öňünde ýurtlaryň ykdysady taýdan bäsleşige ukyplylygyny has-da artdyrmak boýunça gelejekde talyp ýaşlara ýurtlaryň ykdysady taýdan bäsleşige ukyplylygyny has-da artdyrmaklygyň kämilleşdirilişiniň döwrebap ýollaryny saýlap almak barada çykyş etdiler.
Onlaýn maslahaty geçirmegiň esasy maksady giň gözýetimli, maksada okgunly, sagdyn, innowasion tehnologiýalary dolandyrmaga ukyply ýaşlary terbiýeläp ýetişdirmek barada pikir alyşmakdan, ykdysady taýdan ýurtlaryň bäsleşige ukyplylygynyň kadalaryny wagyz etmekden ybaratdyr.
Sülgün NEPESOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
kafedrasynyň
mugallymy.