“Akgoýunly, Garagoýunly we Memlukly türkmen döwletleriniň daşary syýasaty we diplomatiýasy” barada umumy okuw sapagy
2022-nji ýylyň 8-nji aprelinde Türkmenistanyň Daşary işler ministrliginiň Halkara gatnaşyklary institutynda Ýaş diplomatlar mekdebiniň agzalarynyň gatnaşmagynda “Akgoýunly, Garagoýunly we Memlukly türkmen döwletleriniň daşary syýasaty we diplomatiýasy” temasy boýunça umumy okuw sapagy geçirildi.
Okuw sapagynyň dowamynda Türkmenistanyň Ylymlar akademiýasynyň Taryh we arheologiýa institutynyň uly ylmy işgäri Hurma Çommadowa, Türkmenistanyň Ylymlar akademiýasynyň Magtymguly adyndaky dil, edebiýat we milli golýazmalar institutynyň uly ylmy işgäri Nurmuhammet Gylyçdurdyýew we Dünýä edebiýaty žurnalynyň baş redaktory Rahmet Gylyjow çykyş edip, Akgoýunly, Garagoýunly we Memlukly türkmen döwletiniň daşary syýasatyny we diplomatiýasyny giňişleýin okuwçylara gürrüň berdiler. Okuwçylar bu duşuşygyň barşynda örän işjeň gatnaşdylar. Olar özlerini gyzyklandyrýan soraglary berip, degişli jogaplary aldylar.
Okuw sapagynyň ahyrynda okuwçylara “Parahatçylygyň ýaş çaparlary” akyl-paýhas bäsleşiginiň indiki tapgyry üçin gerek bolan edebiýatlar maslahat berildi. Okuwçylar aýdylan gymmatly maglumatlary özlerine belläp aldylar.
Batyr ESENOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.