“Ahalteke atlary – parahatçylygyň ilçileri” atly zehin bäsleşigi geçirildi
2025-nji ýylyň 24-nji aprelinde Aba Annaýew adyndaky Halkara atçylyk akademiýasynda ýurdumyzyň ýokary okuw mekdeplerinde hereket edýän ÝUNESKO klublaryna agza talyplarynyň arasynda “Ahalteke atlary – parahatçylygyň ilçileri” atly zehin bäsleşigi geçirildi.
Bäsleşige Aba Annaýew adyndaky Halkara atçylyk akademiýasynyň, S.A.Nyýazow adyndaky Türkmen oba hojalyk uniwersitetiniň, Döwletmämmet Azady adyndaky Türkmen milli dünýä dilleri institutynyň, Myrat Garryýew adyndaky Türkmenistanyň Döwlet lukmançylyk uniwersitetiniň, Türkmenistanyň Daşary işler ministrliginiň Halkara gatnaşyklary institutynyň, Halkara ynsanperwer ylymlary we ösüş uniwersitetiniň talyplarynyň saýlama toparlary gatnaşdylar. Bäsleşikde Gahryman Arkadagymyzyň “Atda wepa-da bar, sapa-da” atly kitabyndan soraglar berildi. Gyzgalaňly geçen bäsleşigiň netijesinde Halkara ynsanperwer ylymlary we ösüş uniwersitetiniň talyplar topary 1-nji, Türkmenistanyň Daşary işler ministrligiň Halkara gatnaşyklary institutynyň talyplar topary 2-nji orna mynasyp boldular. Ýeňijiler guramaçylar tarapyndan gymmat bahaly sowgatlar bilen sylaglanyldy.
Guwanç ALIÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.