ADATDAN DAŞARY ÝAGDAÝLARDA ŽURNALISTIKADA MULTIMEDIÝA GURALLARYŇ ÄHMIÝETINE BAGYŞLANAN TÄSIRLI TÄLIM SAPAGY
2022-nji ýylyň 1-2-nji sentýabry aralygynda Ýewropada Howpsuzlyk we Hyzmatdaşlyk Guramasynyň (OSCE) Aşgabatdaky Merkeziniň guramagynda paýtagtymyzdaky «Ýyldyz» myhmanhanasynda «Adatdan daşary ýagdaýlarda multimediýa gurallarynyň ähmiýeti» atly tälim sapagy geçirildi. Tälim sapagyna ýurdumyzyň köpçülikleýin habar beriş serişdeleriniň wekilleridir žurnalist hünärmenleri taýýarlaýan ýokary okuw mekdepleriniň mugallymlary gatnaşdylar. Tälim sapagyny sanly wideoaragatnaşyk arkaly Beýik Britaniýadan Marek Bekerman hem-de Russiýa Federasiýasyndan Alekseý Terehow ýaly halkara bilermenler alyp bardylar.
Tälim sapagynyň dowamynda çykyş eden halkara bilermenler adatdan daşary ýagdaýlarda jemgyýeti yzygiderli gyzgyn habarlardan habardar etmekde multimediýa gurallaryny işjeň ulanmagyň inçe syrlary we olaryň ähmiýeti barada nazary bilimleri halkara tejribesiniň esasynda utgaşykly anyk mysallaryň üsti bilen gürrüň etdiler.
Jemile PÜRJÄÝEWA,
Türkmenistanyň Daşary işler ministrliginiň
Halkara gatnaşyklary institutynyň
Žurnalistikanyň nazaryýeti we amalyýeti
kafedrasynyň
mugallymy.