“Adam hukuklary, parahatçylyk we durnukly ösüşiň özara baglanyşygy: ählumumy adalatlylygyň esasy” atly okuw sapagy geçirildi
2025-nji ýylyň 17-nji fewralynda Türkmenistanyň Daşary işler ministrliginiň Halkara gatnaşyklary institutynda Birleşen Milletler Guramasynyň Ösüş Maksatnamasynyň (BMG ÖM) guramagynda “Adam hukuklary, parahatçylyk we durnukly ösüşiň özara baglanyşygy: ählumumy adalatlylygyň esasy” atly okuw sapagy geçirildi. Oňa Türkmenistanyň Daşary işler ministrliginiň Halkara gatnaşyklary institutynyň mugallymlarydyr talyplary gatnaşdylar. Okuw sapagyny Birleşen Milletler Guramasynyň Ösüş Maksatnamasynyň (BMG ÖM) saýlaw we adam hukuklary boýunça hünärmeni, halkara bilermen Şalwa Çhakaýa alyp bardy.
Okuw sapagynyň dowamynda halkara bilermen adam hukuklarynyň üpjün edilmeginiň durnukly ösüşe we parahatçylyga edýän täsiri, onuň ählumumy adalatlylygyň kemala gelmegindäki orny barada halkara tejribesi esasynda gürrüň berdi. Şeýle-de meseläniň adam hukuklaryny goramak we demokratik gymmatlyklary öňe sürmek boýunça dünýä tejribesi esasynda seljerilmegi sapagyň täsirini has-da artdyrdy.
Umuman, bu okuw sapagy adam hukuklaryny berkitmek, durnukly ösüşi üpjün etmek we parahatçylykly jemgyýeti guramak bilen baglanyşykly ileri tutulýan meseleleri ara alyp maslahatlaşmak üçin möhüm meýdança bolup hyzmat etdi.
Dawut GEZEROW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň II ýyl talyby.