«Adalatçynyň diwany bilen žurnalistleriň adam hukuklary boýunça hyzmatdaşlygy» atly okuw maslahaty geçirildi
2023-nji ýylyň 10-11-nji maýy aralygynda BMG-niň Aşgabat şäherindäki binasynda Birleşen Milletler Guramasynyň Ösüş Maksatnamasynyň (UNDP) Türkmenistandaky wekilhanasynyň, Türkmenistanyň Adalatçysynyň diwanynyň, hem-de Türkmenistanyň Daşary işler ministrliginiň Halkara guramalary departamentiniň bilelikde guramagynda «Adalatçynyň diwany bilen žurnalistleriň adam hukuklary boýunça hyzmatdaşlygy» atly okuw maslahaty geçirildi. Okuw maslahatyna BMG-niň ÖM-niň halkara hünärmeni hanym Stefani Lemke, Türkmenistanyň Adalatçysynyň diwanynyň, Türkmenistanyň Medeniýet ministrliginiň, ýurdumyzyň köpçülikleýin habar beriş serişdeleriniň wekilleri, Türkmenistanyň Daşary işler ministrliginiň Halkara gatnaşyklary institutynyň, Halkara ynsanperwer ylymlary we ösüş uniwersitetiniň žurnalistika hünärinde okaýan talyplary gatnaşdylar.
Okuw maslahatynyň başynda Türkmenistanyň Adalatçysy Ýazdursun Gurbannazarowa çykyş etdi. Ol öz çykyşynda žurnalistiň we hukuk goraýjy edaralaryň bilelikdäki alyp barýan işi, žurnalistleriň kanunyň çäklerinde söz azatlygyny goramak maksatly durmuşa geçirilýän çäreleri, şeýle hem bu ugurda alnyp barylýan işleriň çäginde geljekki žurnalistleriň orny barada aýratyn durup geçdi. Şeýle-de geçirilýän çäreler geljekki žurnalistleriň halk bilen döwletiň arasynda gatnaşyklary ýola goýmak üçin tejribe toplamagynda esasy orunlaryň birini eýeleýändigi barada aýratyn nygtaldy.
Okuw maslahatynyň maksady adam hukuklary bilen bagly meseleleriň KHBS-de ýaýradylmagy babatda žurnalistleriň bilimini artdyrmakdan ybarat boldy. Maslahatynyň dowamynda geljekki žurnalistleriň tejribe goruny has-da giňeltmek maksadyly birnäçe adam hukuklary bilen bagly meseleler interaktiw oýunlar arkaly maslahatlaşylyp, iş ýüzünde synag edildi.
Meýlis SADYKOW,
Türkmenistanyň Daşary işler ministrliginiň
Halkara gatnaşyklary institutynyň,
Halkara žurnalistikasy fakultetiniň III ýyl talyby.