ABŞ-nyň Nýu-Meksiko uniwersitetiniň wekilleri bilen duşuşyk
2023-nji ýylyň 10-njy maýynda ABŞ-nyň Nýu-Meksiko uniwersiteti bilen Türkmenistanyň Daşary işler ministrliginiň Halkara gatnaşyklary institutynyň arasynda göni wideoargatnaşyk arkaly duşuşyk geçirildi. Oňa iki ýurduň ýokary okuw mekdepleriniň ýolbaşçylary we wekilleri – Halkara gatnaşyklary institutynyň okuw işleri boýunça prorektory G.Ýusupowa, Halkara gatnaşyklary we diplomatiýa kafedrasynyň mugallymlary B.Karaýew we M.Berdinyýazow, ABŞ-nyň Nýu-Meksiko uniwersitetiniň Syýasaty öwreniş fakultetiniň professory Lusio Lanukara, Filosofiýa ylymlarynyň doktory Nikolaý Tami we Alana Makgrattan gatnaşdylar.
Duşuşygyň barşynda taraplar Türkmenistanyň Daşary işler ministrliginiň Halkara gatnaşyklary instituty bilen ABŞ-nyň Nýu-Meksiko uniwersitetiniň arasynda teklip edilen Özara düşünişmek barada Ähtnamanyň meselelerini ara alyp maslahatlaşdylar. Taraplar şeýle hem Ähtnamanyň teksti geljekde ylalaşylan halatynda şu ýylyň 23-24-nji oktýbrynda ABŞ-nyň Albukerke şäherinde geçirilmegi meýilleşdirilýän Türkmenistanyň Medeniýet günleriniň dowamynda gol çekişmek mümkinçiliginiň boljakdygyny belläp geçdiler.
Batyr ESENOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby.
Şeýle hem bu barada şu ýerden
okap bilersiňiz:
https://turkmenistaninfo.gov.tm/news/643