Onlaýn okuw seminary geçirildi
2025-nji ýylyň 25-nji fewralynda Türkmenistanyň Döwlet energetika institutynyň guramagynda sanly ulgam arkaly STEM usulyýetini tapgyrlaýyn ornaşdyrmagyň 2025-nji ýyl üçin Ýol kartasyna laýyklykda, okatmagyň STEM usulyýeti boýunça professor-mugallymlaryň tejribesini paýlaşmak maksady bilen okuw seminary geçirildi.
Seminara ýurdumyzyň birnäçe ýokary okuw mekdeplerinden professor-mugallymlar we hünärmenler, şol sanda Türkmenistanyň Daşary işler ministrliginiň Halkara gatnaşyklary institutynyň mugallymlary hem sanly ulgam arkaly gatnaşdylar.
Onuň dowamynda çykyş edenler okatmagyň häzirkizaman usullarynyň ulanylmagynyň ýaşlaryň bilimini artdyrmakdaky ähmiýeti we STEM usulyýetiniň orny barada giňişleýin gürrüň berdiler. Şeýle maslahatlaryň geçirilmegi bu ugurda pikir alyşmaga, ýokary okuw mekdepleriniň arasynda hyzmatdaşlygy işjeňleşdirmäge ýardam edýär.
Amanmyrat MYRADOW,
Türkmenistanyň Daşary işler ministrliginiň
Halkara gatnaşyklary institutynyň mugallymy.